«ՀՀ-ում մոդուլային ատոմակայանների կառուցումը կարող է դառնալ կատաստրոֆա»․ Արամ Մանուկյան

«Մի քանի օր առաջ Հայաստան է ժամանել այն կազմակերպությունը, որը պետք է կառուցի մոդուլային ատոմակայաններ»,- «Այսօր»-ի հետ զրույցում հայտնել է «Հայ ազգային կոնգրես» կուսակցության փոխնախագահ Արամ Մանուկյանը՝ ընդգծելով, որ այդ կազմակերպությունը հիմնականում աշխատում է այն երկրների հետ, որոնք հակառուսական են։ Մանուկյանի խոսքով՝ մոդուլային ատոմակայնները ռիսկային են, աշխարհում չկա դրանցից, միայն Չինաստանում կա 2 հատ՝ հանքարդյունաբերության բնագավառում, այնպիսի տեղերում, որտեղ բնակչություն չկա։

«ՀՀ-ն գնալով այդպիսի արկածախնդրության՝ փորձարկման դաշտ է դառնում դեռևս չփորձարկված ատոմակայանների համար, որը կարող է դառնալ կատաստրոֆա, և դրանով Հայաստանը դառնում է կռվախնձոր երկու ատոմային գերտերությունների՝ Ռուսաստանի և ԱՄՆ-ի միջև»,- նշել է Մանուկյանը։