«Ո՞վ է պաշտոնյան, որ իրեն սնող մարդուն բռնության ենթարկի, այն էլ այդքան մեծ ոհմակով»․ Բագրատ Սրբազան

«Զազրելի երևույթների ենք ականատես լինում, որոնք սովորական են դարձել։ Չէի ուզում անդրադառնալ այս մարդկանց, բայց․․․ Տերն ասում՝ Մի՛ տվեք սրբությունները շներին և մի՛ գցեք ձեր մարգարիտները խոզերի առջև»,- ուղիղ եթերում ասաց «Սրբազան պայքար» շարժման առաջնորդ Բագրատ Սրբազանը՝ անդրադառնալով Արթուր Չախոյանի՝ «խուլիգանախմբի կողմից դաժան ծեծի ենթարկվելու» դեպքին։ Սրբազանը դատապարտեց «Չախոյանի վրա ոհմակով հարձակվելը»։ «Ո՞վ է պաշտոնյան, որ իրեն սնող մարդուն բռնության ենթարկի, այն էլ այդքան մեծ ոհմակով։ Այդ պաշտոնները մարդկանց կյանքը բարելավելու համար են։ Այս պատկերը ևս մեկ անգամ ցույց է տալիս, որ պետք է հաղթահարենք այս չարիքի իշխանությունը»,- ասաց Սրբազանը։