Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Այս թոհուբոհի մեջ գլխավորը՝ մանկապարտեզի շինարարության փողը լափել են ու պարզ չէ, թե ով»․ Միհրան Հակոբյան

«Այս թոհուբոհի մեջ գլխավորը՝ մանկապարտեզի շինարարության փողը լափել են ու պարզ չէ, թե ով»․ Միհրան Հակոբյան
261
Շաբաթ, 03 մայիսի, 2025 թ., 18:06

ՀՀԿ-ական նախկին պատգամավոր Միհրան Հակոբյանի ֆեյսբուքյան գրառումը․ «Մեսրոպ Մանուկյանն ու Արթուր Չախոյանը տեսանյութով ներկայացնում են, թե պետական փողերով ինչ որակի շինարարություն է արվել Նոր Նորք վարչական շրջանի մի մանկապարտեզում: Այնուհետև դա վերածվում է փոխադարձ հայհոյանքների, հետո շատով մեկին ծեծելու փաստի: Եվ քանի որ բորենու նման շատով Արթուր Չախոյանի վրա հարձակվողները վեցնոցի մոտ վեցնոց աշխատող կուսակցությունից են, Սարգսյան Արամը թևերը քշտում ու մտնում է պարահրապարակ՝ էլ ռուսական սադրանք, էլ Բուչա, էլ Պապլավոկի դեպք, էլ Մարտի 1, էլ գող փիսո…
Եվ, այս թոհուբոհի մեջ կորում է գլխավորը. փաստացի, մանկապարտեզի շինարարության փողը լափել են ու պարզ չի, թե ով է լափել՝ շինարա՞րը, քաղաքապե՞տը, թաղապե՞տը, թե՞ շարքային մի խուժանի թաղապետ դարձրած Սարգսյան Արամը: Եթե կան մարդիկ, որ հավատում են, թե Սարգսյան Արամն իր կուսակցությունն անվճար է կցել վեցնոցին, ցավակցենք այդ մարդկանց և անցնենք առաջ: Բայց չմոռնանաք, գլխավորը՝ ի վերջո, ո՞վ է լափել մանկապարտեզի շինարարության փողը»:

Աղբյուրը`   Միհրան Հակոբյան