«Ինչպե՞ս կվարվեք, եթե մի գիշեր էլ դուք ՍՄՍ ստանաք». Արմենուհի Կյուրեղյան

«Ինչպե՞ս կվարվեք, եթե մի գիշեր էլ դուք ՍՄՍ հաղորդագրություն ստանաք»,- դիմելով ԲԴԽ անդամի թեկնածու Արմենուհի Հարությունյանին՝ հարցրեց ընդդիմադիր պատգամավոր Արմենուհի Կյուրեղյանը: «Անկախ նրանից՝ ումից հաղորդագրություն, հեռախոսազանգ, բարեհաճելի զրույց կստանամ կամ կտեղեկացնեն, որ ինձ հետ աշխատանքը ցանկալի չէ որևէ մարմնում, որտեղ էլ աշխատեի, իմ որոշումը կայացնում եմ միայն հաշվի առնելով իմ անձնական նպաստը բերելու անհրաժեշտությունը տվյալ մարմնին: Իսկ թե ինչ կարգով այդ հաղորդագրությունը կստանամ, վստահ եմ՝ չեմ ստանա. դժվար թե երկրի բարձրագույն ղեկավարությունը որևէ կերպ ինձ նման հաղորդագրություն ուղարկելու անհրաժեշտություն ունենա»,- ասաց Հարությունյանը:

Խորհրդարանը քննարկում է Բարձրագույն դատական խորհրդի անդամի ընտրության հարցը: «Քաղաքացիական պայմանագիր» խմբակցությունը ԲԴԽ անդամի պաշտոնում թեկնածու է առաջարկել Արմենուհի Հարությունյանին: