«Վարչապետի իմպիչմենթի հարց բարձրացնելն անիմաստ աղմուկ է»․ Հակոբ Արշակյան

«Շատ անլուրջ հարց է, որևէ հիմք չկա վարչապետի իմպիչմենթի հարց բարձրացնելու, դա անիմաստ աղմուկ է»,- լրագրողների հետ զրույցում ասաց ԱԺ փոխնախագահ Հակոբ Արշակյանը։

Հարցին՝ ինչո՞ւ, որովհետև Փաշինյանը փայլո՞ւն է կառավարում՝ Արշակյանն արձագանքեց. «Այո, փայլուն կառավարում է, հավաստիացնում եմ՝ բոլոր ոլորտներում»։

Նա նաև պատասխանեց Նիկոլ Փաշինյանի՝ Մայիսի 9–ի շքերթին մասնակցելու մասին հարցին․ «Տեղեկություն չունեմ․․․Կարող եմ միայն ասել, որ պատերազմը և պատերազմի հաղթանակը հավասարապես նաև հայերին է պատկանում, սա նաև մեր տոնն է։ Մենք 300 հազար զոհ ենք տվել, բազմաթիվ հերոսներ ենք տվել։ Մյուս ժողովուրդների հետ միասին պայքարել են ֆաշիզմի դեմ»,- ասաց Արշակյանը։