«Տալիս են մարդու քիթ ու մռութը ջարդում են, ասում են՝ ոստիկանությունը օրենքով ուժ կիրառելու իրավունք ունի». Արծվիկ Մինասյան

«Դուք բերում եք սուգ, ավեր, կոտորած, իսկ հետո մեղադրում եք հաղթանակներ կերտած նախագահներին»,- ԱԺ ամբիոնից, դիմելով ՔՊ-ականներին, ասաց «Հայաստան» խմբակցության պատգամավոր Արծվիկ Մինասյանը: «Դուք թողել եք խեղճ ու կրակ մի պետականություն, այն էլ ամեն օր տանում եք կառափնարան: Դա անում եք՝ օգտագործելով այն ուժը՝ ոստիկանությանը, որը կոչված պետք է լիներ ապահովելու ժողովրդավարությունը»,- նշեց Մինասյանը:

Ընդդիմադիր պատգամավորն ընդգծեց, որ ոստիկանությունն այսօր վերածել են բռնաճնշումների ուղղակի գործիքի. «Ոստիականական բաժանմունքներում կարող են խոշտանգման ենթարկել, բայց կուլտուրական տեսքով ամբիոնից ասել, որ ոստիկանությունը օրինապահ ֆունկցիա է իրականացնում: Տալիս են մարդու քիթ ու մռութը ջարդում են, ասում են՝ ոստիկանությունը օրենքով ուժ կիրառելու իրվունք ունի»: