Երեքշաբթի, 21 ապրիլի, 2026 թ.
|
Ստեփանակերտում`   +6 °C

«Ովքեր մտածում են՝ Փաշինյանին անվստահություն հայտնելու գործընթացին ՔՊ պատգամավորներ երբեք չեն միանալու, հիշեցնեմ». Էդգար Ղազարյան

«Ովքեր մտածում են՝ Փաշինյանին անվստահություն հայտնելու գործընթացին ՔՊ պատգամավորներ երբեք չեն միանալու, հիշեցնեմ». Էդգար Ղազարյան
267
Երեքշաբթի, 13 մայիսի, 2025 թ., 09:36

Հասարակական, քաղաքական գործիչ Էդգար Ղազարյանի ֆեյսբուքյան գրառումը․ «Նրանք, ովքեր մտածում են, որ Նիկոլ Փաշինյանին անվստահություն հայտնելու (իմպիչմենտի) գործընթացին «Քաղաքացիական պայմանագիր» խմբակցության պատգամավորներ երբեք չեն միանալու, հիշեցնեմ, որ 2020 թվականի նոյեմբերի 9-ի կապիտուլյացիայից հետո, Նիկոլ Փաշինյանի առաջնորդությամբ ստեղծված Ազգային ժողովի «Իմ քայլը» խմբակցությունից դուրս են եկել և հետագայում նրա դեմ ակտիվ պայքարի մասնակիցներ են դարձել ԱԺ պատգամավորներ Աննա Գրիգորյանը (ներկայում ՀՀ Ազգային ժողովի «Հայաստան» խմբակցության պատգամավոր), Թագուհի Թովմասյանը (ներկայում անկուսակցական պատգամավոր), Արսեն Ջուլֆալակյանը, Սոֆյա Հովսեփյանը, Գոռ Գևորգյանը և Տաթևիկ Հայրապետյանը»:

Ավելի ուշ նա մեկ այլ գրառում է կատարել. «Նրանք, ովքեր մտածում են, որ Նիկոլ Փաշինյանին անվստահություն հայտնելու (իմպիչմենտի) գործընթացին «Քաղաքացիական պայմանագիր» խմբակցության պատգամավորներ երբեք չեն միանալու, հիշեցնեմ, որ «Քաղաքացիական պայմանագիր» խմբակցությունից դուրս են եկել և շարունակում են ԱԺ պատգամավորի կարգավիճակում մնալ Հովիկ Աղազարյանն ու Հակոբ Ասլանյանը, ովքեր իրենք են մտադիր նախաձեռնել Նիկոլ Փաշինյանի անվստահություն հայտնելու գործընթաց»:

Աղբյուրը`   Էդգար Ղազարյան