«Որ պահին մտավ այս դահլիճ, պատասխան է տալու իր արածների համար»․ Վահագն Ալեքսանյան

«Ես միամտաբար հույս էի տածում, որ ժամանակին ինքն իրեն երկրի միակ տղամարդը հայտարարած Ռոբիկի փոքրիկ որդին կփորձի փոքր-ինչ տղամարդ լինել ու իր ասածներին տեր կանգնելու համար գալ ու գոնե լսել, թե ինչ են իրեն այստեղից ասում՝ դահլիճում իր ասածներին ի պատասխան․․․ Ես վստահ եմ, որ մինչև այս գումարման վերջը, նա այլևս այս դահլիճ չի գալու կամ գալու է այն ժամանակ, երբ որ մտածի՝ այս միջադեպն արդեն ավարտված է։ Ինչքան Քոչարյան Ռոբիկն էր երկրի միակ տղամարդը ու առհասարակ տղամարդ, էդքան էլ պետք է լինի իր տղան»,- Ազգային ժողովում այս մասին նշեց «Քաղաքացիական պայմանագիր» խմբակցության պատգամավոր Վահագն Ալեքսանյանը՝ անդրադառնալով այսօր ԱԺ-ում «Հայաստան» խմբակցության պատգամավոր Լևոն Քոչարյանի հետ կապված միջադեպին։

«Նիստի հոգեբանական տրավման, մարդիկ գինու մեջ են խեղդում, ինքը կփորձի 200 կգ-անոց «շտանգա պրես» անելով հաղթահարել, այնուամենայնիվ, դա իրեն չի փրկի, որովհետև ուզում ես 500 կգ-անոց ժիմ արա, եթե գնալու ես Արմենուհի Կյուրեղյանի ու Աննա Գրիգորյանի թիկունքում պախկվես, հարամ ըլնի տենց տղեն էլ, տենց պրեսն էլ, տենց ժիմն էլ․․․ Քոչարյանական ավանդույթի համապատասխան թռնում է այս դահլիճից, հետո էլ այս շենքից․․․ Որ պահին մտավ այս դահլիճ, պատասխան է տալու իր արածների համար, սկզբում վերբալ պատասխան է տալու, հետո արդեն՝ վերբալ պատասխանից կախված»,- ասաց Ալեքսանյանը։