Արարատ Միրզոյանը մեկ ամսում 9 թանկարժեք նվեր է հայտարարագրել. «Ժողովուրդ»
![]() 161 Հինգշաբթի, 15 մայիսի, 2025 թ., 09:12 «Ժողովուրդ» օրաթերթը գրում է. «2024 թվականից ուժի մեջ մտած օրենքից 1 տարի 5 ամիս անց արտաքին գործերի նախարարը սկսել է հայտարարագրել ի պաշտոնե ստացած նվերները։ Ինչ նվերներ է նա ստացել. Արարատ Միրզոյանը Ամանորի կապակցությամբ ԱՄԷ արտաքին գործերի նախարարությունից ստացել է Աբու Դաբի քաղաքի Քասր Ալ Հունի ամրոցի 3D մոդելը, որի արժեքը գնահատվել է 153 հազար 700 դրամ։ ՀՀ-ում ԱՄԷ դեսպանը Արարատ Միրզոյանին Ամանորի առթիվ նվիրել է ձեռագործ, նկարազարդ կերամիկական սպասքի հավաքածու՝ 3 ափսե եւ 6 բաժակ, որի արժեքը գնահատվել է 60 հազար դրամ։ ՀՀ-ում ՉԺՀ դեսպանի կողմից Ամանորի առթիվ Միրզոյանը ստացել է փորագրված, կարմիր լաքապատ ծաղկաման, որը գնահատվել է 69 հազար 790 դրամ։ 2024 թվականի ապրիլի 29-ին աշխատանքային այցով Կատար մեկնած Միրզոյանը նվեր է ստացել Կատարի Դոհա քաղաքի՝ ժամացույց-աշտարակի տեսքով հուշանվեր, որը գնահատվել է 800 հազար դրամ։ 2025 թվականի հունվարի 23-ին աշխատանքային այցով Հայաստան եկած Ղազախստանի Հանրապետության ԱԳ նախարար Ժեենբեկ Կուլուբաեւը Արարատ Միրզոյանին որպես նվեր փոխանցել է սափոր եւ 2 բաժակ, որը գնահատվել է 40 հազար դրամ։ 2025 թվականի մարտի 25-ին պաշտոնական այցով Հայաստան եկած Իրանի Իսլամական Հանրապետության նախագահ Սեյեդ Աբբաս Արաղչին Միրզոյանին նվիրել է նկար, որը գնահատվել է 58 հազար դրամ։ 2024 թվականի ապրիլի 17-ին Սաուդյան Արաբիա կատարած աշխատանքային այցի շրջանակում Արարատ Միրզոյանը նվեր է ստացել արաբական մետաղե արձանիկ՝ ձիու տեսքով, որը գնահատվել է 407 հազար դրամ։ Հարցականն այն է, թե ինչու նախորդ տարի՝ օրենքի ուժի մեջ մտնելուց հետո, Արարատ Միրզոյանը չի հայտարարագրել այս նվերները, այլ հայտարարագրել է մեկ տարի անց։ «Ժողովուրդ» օրաթերթն այս հարցով դիմել է ՀՀ ԱԳ նախարարություն, սակայն որեւէ պատասխան չի ստացել»։ Մանրամասները՝ թերթի համարում: |
«Արդեն երևում են բախվող բևեռները». Գարիկ Քեռյան
21000:06Թրամփը չի բացառում ԱՄՆ-ի ներգրավվածությունն Իսրայել-Իրան հակամարտությանը
285Երեկ, 19:10«Ստրատեգիական առումով Իսրայելն ավելի ծանր թշնամական միջավայրում է հայտնվում». Ստեփան Դանիելյան
330Երեկ, 17:30«Եթե Իսրայելը շարունակի հարձակվել, Իրանը ջախջախիչ պատասխան կտա»․ Փեզեշքիան
402Երեկ, 16:32«Ականատես ենք տարածաշրջանային հակամարտության ձգտող հյուծիչ պատերազմի»․ Արմեն Պետրոսյան
152Երեկ, 15:42ՀԱՄԱՍ-ի պատվիրակությունը կայցելի Մոսկվա
342Երեկ, 14:20«Արմենին դատում են, որովհետև Նիկոլն ատում է ինտելեկտը»․ Նաիրա Զոհրաբյան
236Երեկ, 13:42«Եթե Հայաստանում կառավարություն լիներ, Սյունիքը կփակվեր արտասահմանցիների համար»․ Ստեփան Դանիելյան
173Երեկ, 13:18