«Ասելու են՝ եկել է այստեղից բան իմանա, գնա ՌԴ-ում ասի»․ Էդգար Ղազարյան

«Եվրոպական երկրների առաջնորդների հանդիպման ձևաչափը ստեղծվել է ռուս-ուկրաինական հակամարտությունից հետո և հիմնական նպատակը հակառուսական ուղղվածությունն է։ Նիկոլ Փաշինյանն էլ գնացել է Ալբանիա՝ նմանատիպ հանդիպման»,- լրագրողների հետ զրույցում ասել է հասարակական-քաղաքական գործիչ Էդգար Ղազարյանն՝ ընդգծելով, որ եվրոպական երկրները այդ համաժողովների ժամանակ հիմնականում մեկտեղում են իրենց ջանքերը՝ միջազգային ասպարեզում ՌԴ-ի դեմ որոշումներ նախաձեռնելու համար։ «Պատկերացնո՞ւմ եք, թե իրենց համար ինչքան խորդ է այն մարդու ներկայությունը, ով Կարմիր հրապարակում մասնակցել է մայիսի 9-ի շքերթին։ Նրանք էլ են անհանգիստ, ասելու են՝ ինչի՞ է եկել այստեղ, եկել է այստեղից բան իմանա, գնա այնտեղ ասի, որովհետև այնտեղ էլ է գնում»,- ընդգծել է Ղազարյանը։ Նրա խոսքով՝ Նիկոլ Փաշինյանը լոկալ դավաճանից արդեն ձեռք է բերում միջազգային դավաճանի համբավ։