«ԵՄ-ն Հայաստանին նոր զիջումների՞ է հակում»․ Սուրեն Սուրենյանց

Քաղաքագետ Սուրեն Սուրենյանցի թելեգրամյան գրառումը․ «ԵՄ-ն Հայաստանին նոր զիջումների՞ է հակում

«Ադրբեջանն ու Հայաստանը շատ մոտ են համաձայնությանը: Կարծում եմ՝ բոլորի շահերից է բխում, որ նրանք ստորագրեն խաղաղության համաձայնագիրը»,- ասել է ԵՄ բարձր ներկայացուցիչ Կայա Կալասը:

Դարձյալ գործ ունենք ընդհանուր բնույթի, հասցեականություն չենթադրող հայտարարության հետ:

Խաղաղության պայմանագրի տեքստի հարցում Երևանը ընդունել է Բաքվի բոլոր պահանջները, ինչի հետևանքով փաստաթուղթն ամբողջ ծավալով համաձայնեցվել է:

Բայց Ադրբեջանը, փաստաթուղթը ստորագրելու փոխարեն, երկու նախապայմաններ է առաջ քաշել ու երկու ամիս է ամենօրյա ռեժիմով թիրախավորում է Սյունիքի և Տավուշի գյուղերը:

Միջազգային հանրությունն այս ամենը չի «տեսնում», ինչը նշանակում է՝ ըստ էության, խրախուսել Ադրբեջանի պահանջները և Հայաստանին հակել նոր զիջումների՝ հանուն պայմանագրի ստորագրման»։