«Ով որ կասի՝ կա վարչապետի 2 թեկնածու, դա կեղծիք է»․ Էդմոն Մարուքյան

357

Շաբաթ, 17 մայիսի, 2025 թ., 00:30

Ինչպես արդեն հայտնել էինք՝ Հովիկ Աղազարյանը և Հակոբ Ասլանյանը Նիկոլ Փաշինյանին պաշտոնանկ անելու գործընթաց են սկսում: Պատգամավորների վարչապետի թեկնածուն «Լուսավոր Հայաստան» կուսակցության առաջնորդ Էդմոն Մարուքյանն է:

«Ինձ առաջարկել են տալ համաձայնություն, որպեսզի նրանք կարողանան սկսել անվստահության գործընթաց, ես տվել եմ իմ համաձայնությունը»․․․ «Պատիվ ունեմ» խմբակցությունը և «Հայաստան» խմբակցությունը թեկնածու չեն առաջադրել»,- ֆեյսբուքյան եթերում հիշեցրեց Մարուքյանը։
«Հիմա, երբ հայտարարություն է արվել՝ իմ վարչապետի թեկնածու լինելու վերաբերյալ, ես զանգահարել եմ Հայկ Մամիջանյանին, Սեյրան Օհանյանին, մինչև այս պահը ես սպասում եմ, որ հանդիպում լինի խմբակցությունների հետ։ Հուսով եմ՝ վաղը հանդիպում կլինի, քանի որ պարոն Մամիջանյանն ասաց՝ կքննարկենք, կասենք։

Եվ մեկ էլ տեսնում եմ, որ Ռեֆորմիստների կուսակցությունը հայտարարությամբ է հանդես եկել՝ մտահոգություն հայտնելով, և վարչապետի անկախ թեկնածու է առաջադրել իրենց ղեկավարին՝ Վահան Բաբայանին․․․

Մամուլում սկսել են լուսաբանել, որ կա վարչապետի 2 թեկնածու։ Բայց ով որ կասի՝ կա վարչապետի 2 թեկնածու, դա կեղծիք է, խաբեություն է։ Այդպես որ լինի, կուսակցություններով կարող են հավաքվել, ասել՝ մենք էլ ենք առաջադրում թեկնածու։ Բայց կա վարչապետի 1 թեկնածու, որովհետև որևէ պատգամավոր չի գրել, թե առաջադրում է Վահան Բաբայանի թեկնածությունը․․․ Այս ամենն արվում է իմպիչմենթի պրոցեսը վիժեցնելու համար»,- նշեց Մարուքյանը։

Աղբյուրը` Էդմոն Մարուքյան