«Իրավապահների հարազատներին աշխատանքներ եք բաժանել, դրա համա՞ր եք սենց ինքնավստահ». Պեդրո Զարոկյան

«Վերջերս մի լրագրող ձեզ հարց ուղղեց, ասացիք՝ իմ հետ կապված իրավական գործընթաց չկա ու չի կարող լինել: Էս ինքնավստահությունը ձեր մեջ որտեղի՞ց, կարո՞ղ է, որ իրավապահ մարմինների հարազատներին աշխատանքներ եք բաժանել ԱՆԻՖ-ում, լուրեր կան, որ քաղաքապետարանում գլխավոր դատախազի ընտանիքի անդամներից եք աշխատանքներ տվել»,- դիմելով քաղաքապետ Տիգրան Ավինյանին՝ հետաքրքրվեց ավագանու ընդդիմադիր անդամ Պեդրո Զարոկյանը: Ավինյանն ասաց. «Վստահությունը գալիս է նրանից, որ իմ որևէ գործողությամբ վերջին 7 տարիներին որևէ տեսակի նմանատիպ քրեական պոտենցիալ գործ ունեցող հոդվածով չէի կարող անցնել»: Զարոկյանն արձագանքեց. «Կասկած չունեմ, որ դուք շատ լավ մտացված ձևով եք գումարները փոշիացրել»: