Աննա Հակոբյանը ՀՀ հեռավոր գյուղերը համարում է «գեղ», բարբառը՝ «գեղցու ակցենտ»․ Աննա Կոստանյան

ԱԺ նախկին պատգամավոր Աննա Կոստանյանի ֆեյսբուքյան գրառումը. «Փաստորեն Աննա Հակոբյանը Հայաստանի հեռավոր գյուղերը համարում է «գեղ» (ըստ իր գրածի ենթատեքստի՝ գեղը շատ վատ, հետամնաց տեղ է), գյուղացիներին՝ «գեղցիներ», իսկ գյուղացու բարբառը՝ «գեղցու ակցենտ»։
Տառաճանաչությունից բողոքող տիկնոջն արժե ցույց տալ հայկական յուրաքանչյուր շրջանի բարբառի տեղը, որը ակցենտ որակելն ինքնին անգրագիտություն է։ Ինչ է սա, եթե ոչ հենց գրքեր չկարդալու արդյունք, ինչը հենց ինքն է հաճախ սիրում շեշտել ու հորդորել, որ «շատ կարդան»։
Տիկինն այնքան է տարվել սոցիալական ցանցերում «խոսքի ազատության իր անքակտելի իրավունքի անվերապահ իրացմամբ» ու պոակ-ից ուղղորդված «ծափահարություններով», խնդիկ-հավանիկներով, որ մոռացել է հանրային իր դիրքի մասին (եթե իհարկե այդպիսին երբևէ եղել է)։
Նիկոլ Փաշինյան, հեռախոսը ձեռքից վերցրո՛ւ, ինքն իրեն մի վնաս չտա, ազգովի լինենք խայտառակ»։