«ՀՀ-ի և ՌԴ-ի միջև փոխադարձ վիրավորանքների ժամանակն անցել է»․ Լավրով

ՀՀ-ի և ՌԴ-ի միջև փոխադարձ վիրավորանքների, թյուրըմբռնումների, կասկածների ժամանակն անցել է։ Այս մասին հայտնել է ՌԴ ԱԳ նախարար Սերգեյ Լավրովը՝ Հայ-ռուսական համալսարանում տեղի ունեցած հանդիպմանը։ Լավրովն անդրադարձել է ՀՀ-ի և ՌԴ-ի միջև առկա թյուրըմբռնումներին, որոնցից շատերը, նրա խոսքով, վերացվել են անցած աշնանը ՌԴ նախագահ Պուտինի և ՀՀ վարչապետ Նիկոլ Փաշինյանի հանդիպումից հետո։

«Վիրավորվելն անիմաստ է, քանի որ կան փաստեր, որոնցից էլ պետք է ելնել։ Ինչպես ՀՀ ղեկավարությունն է ասում՝ պետք չէ անընդհատ վերադառնալ պատմական Հայաստանին, պետք է հզորացնել ներկայիս Հայաստանն ու ապրել ներկա իրողություններով։ Սեփական անցյալը, պատմությունը, հանուն կրոնի և հայրենիքի նախնիների սխրանքները մոռանալ պետք չէ, սակայն գործնական որոշումները պետք է ընդունել՝ ելնելով այժմյան իրողություններից»,- ասել է Լավրովը: