«Բանակը չպետք է լինի քաղաքական էժանագին խաղերի առարկա»․ Մհեր Մելքոնյան

ԱԺ «Հայաստան» խմբակցության պատգամավոր Մհեր Մելքոնյանի ֆեյսբուքյան գրառումը․ «Վերջին տարիներին մեր բանակը կանգնած է լուրջ մարտահրավերների առաջ՝ ոչ միայն արտաքին, այլև ներքին։
Հայաստանի գործող հակազգային իշխանության ոչ ճիշտ կադրային քաղաքականությունը, ռազմավարության փոփոխությունները, անորոշ բարեփոխումները, մարտական ուղի անցած զինվորականների վարկաբեկումը և ռազմավարական դաշնակիցների վերաիմաստավորումն առաջ են բերում մեկ հստակ հարց՝ արդյոք մեր բանակը ուժեղացվում է, թե՞ քաղաքական որոշումների զոհն է դառնում։
Հայկական բանակի կազմաքանդումը պայմանավորված է ոչ միայն սխալներով, այլ հենց գործող իշխանության կանխամտածված անպատասխանատու քաղաքականությամբ։
Բանակը պետք է լինի ազգային միասնականության և ինքնիշխանության հիմնասյուն, այլ ոչ թե էժանագին քաղաքական խաղերի առարկա»։