««Բանակից ազատվելու» նախաձեռնության նպատակն է հեշտացնել հայության ոչնչացումը»․ Էդգար Էլբակյան

Քաղաքագետ Էդգար Էլբակյանը ֆեյսբուքյան իր էջում գրել է․ «Օսմանյան կայսրության գոյության, ըստ էության, ամբողջ ընթացքում ևս հայ տղամարդիկ «ազատված էին» բանակից։ Նպատակը հպատակ համարվող ժողովրդին զենքից և բանակային մշակույթից հեռու պահելը, թուլացնելը և հարմար պահին ոչնչացնելն էր, ինչը և տեղի ունեցավ Հայաստանի արևմտյան հողերում 19-20-րդ դարերում։
«Բանակից ազատվելու» նոր նախաձեռնությունը նույն նպատակն է հետապնդում, այն է՝ հեշտացնել Թուրքիայի և Ադրբեջանի կողմից առանց բանակի մնացած և անպաշտպան հոտի վերածված հայության ոչնչացումը հայկական մնացած հայաբնակ հողերում։
Հազարերորդ անգամ կկրկնեմ, որ 2018թ-ին Հայաստանում քաղաքական իշխանությունն անցել է թուրքական ռեժիմի, և դա ո՛չ չափազանցություն է, ո՛չ այլաբանություն, ո՛չ էլ քաղաքական սուր բնորոշում։ Դա դառը իրողություն է։ Ուստի քաղաքական հայության միակ ու գերագույն նպատակը պետք է լինի ազատագրվելը թուրքական ներկայիս լծից»։