«Ավինյան Տիգրանը վերադարձնելո՞ւ է «կարմիր գծերի» համար գանձված գումարները»․ Դերենիկ Մալխասյան

«Մայր Հայաստան» դաշինքի անդամ Դերենիկ Մալխասյանի ֆեյսբուքյան գրառումը. «Դատարանը վճռել է, որ Երևանի ՔՊ-ական իշխանությունը անօրինակ մտել է քաղաքացիների գրպանը
«Մայր Հայաստան»-ի դիմումը բավարարելով՝ դատարանն անվավեր է ճանաչել «կարմիր գծերի» թանկացմանը վերաբերող դրույթը։ Դատարանն արձանագրել էր, որ քաղաքապետարանը որևէ ձևով չի ապացուցել, որ վճարը շեշտակի թանկացրել է ծառայությունների որակը բարելավելու նպատակով, իսկ փողոցները բեռնաթափելու պատճառաբանութունն իրավաչափ չի համարել:
ՔՊ-ական իշխանությունը բոլոր ոլորտներում է ապաշնորհ, միայն փող աշխատելու մասին են մտածում։ Հիմա, Ավինյան Տիգրանը վերադարձնելո՞ւ է կարմիր գծերի համար գանձված գումարները, որոնք միլիադրավոր դրամների են հասնում»։