«Արցախի կորստի պայմաններում այս տոնը նույն խորհուրդն ունի՞»․ լրագրողը՝ Մհեր Գրիգորյանին

«Օրվա խորհուրդը մեծ նշանակություն ունի բոլորիս համար, թե՛ անհատապես, թե՛ որպես ՀՀ քաղաքացի։ Մեր պետության ու բոլորի համար չկա ավելի կարևոր բան, քան՝ ինքնիշխանությունն ու անկախությունը»,- Ապարանում լրագրողների հետ զրույցում ասաց փոխվարչապետ Մհեր Գրիգորյանը։

Հարցին՝ Առաջին Հանրապետության կորստից տարիներ հետո վերականգնվեց ՀՀ պետականությունը, այդ սցենարն Արցախի Հանրապետության դեպքում հնարավո՞ր եք համարում, Մհեր Գրիգորյանը պատասխանեց․ «Հարցը խորն է, նման հարցերը այլ ձևաչափով է պետք քննարկել․․․բնականաբար, ունեմ իմ կարծիքը, բայց կարճ արտահայտելը սխալ և անարգանք կլինի»,- ասաց նա։
Հարցին՝ Արցախի կորստի պայմաններում այս տոնը նույն խորհուրդն ունի՞, Գրիգորյանը պատասխանեց, որ հարցի մասին խորությամբ խոսելու առիթ կստեղծվի։