«Չասաց, որ մայիսյան ճակատամարտի հաղթական ելքի շնորհիվ Հայոց ցեղասպանությունը չշարունակվեց»․ Նարեկ Գալստյան

Քաղաքագետ, «24Նյուզ»-ի տնօրեն Նարեկ Գալստյանի ֆեյսբուքյան գրառումը․ «Արդեն անգամ տարօրինակ էլ չի, որ Սարդարապատի հաղթանակի օրը՝ Հանրապետության տոնի առթիվ, ՀՀ նիկոլականների առաջնորդը հուշահամալիրի մոտ խոսեց ամեն ինչից, բացի այն հանգամանքից, որ այս ճակատամարտի հաղթական ելքի շնորհիվ Հայոց ցեղասպանությունը չշարունակվեց Արաքսից այս կողմ: Հարձակվեց ԽՍՀՄ-ի վրա, Արցախի անկումը ոչ ուղղակիորեն կոչեց ինքնիշխանության բարձրացում, բանակը համարեց ոչ անվտանգային գործիք ու ոչ մի բառ բուն հաղթանակի մասին:
Ամբողջ ցավն այն է, որ եթե Սարդարապատում մեր պապերը զինական ուժի շնորհիվ մեզ ապրելու ու պետություն ունենալու հնարավորություն տվեցին, ապա հիմա այս մեր սերնդից իշխանական աթոռների հասածները «խաղաղության» անվան տակ մեր սերունդներին զրկում են պետություն ունենալու անգամ տեսական հնարավորությունից: Զրկում են, որ մի քանի օր, մի քանի ամիս ավել կառավարեն: Ավելի ճիշտ չկառավարեն էլ՝ «վալիություն» անեն»: