«Չտեսանք ձեր արձագանքը՝ վարչապետի տիկնոջ գրառումների վերաբերյալ»․ լրագրողը՝ Անահիտ Մանասյանին

«Դուք բազմիցս անհանդուրժողականությունը, ատելության խոսքը, որը կա հանրության շրջանում, դատապարտելի եք համարել, բայց մենք չտեսանք ձեր գրասենյակի կողմից հայտարարություն, արձագանք վարչապետի տիկնոջ գրառումների վերաբերյալ, որտեղ քաղաքացիներին ոջիլ, էշ, տգետ, տխմար և նման ձևակերպումներ է տալիս»,- ճեպազրույցի ժամանակ հարց ուղղվեց ՄԻՊ Անահիտ Մանասյանին։

ՄԻՊ-ը պատասխանեց․ «Իմ լիազորությունները տարածվում են բացառապես պետական մարմինների և պաշտոնատար անձանց վրա, իմ լիազորությունները այս առումով սահմանափակված են, հետևաբար իրավասու սուբյեկտ չեմ հարցին պատասխանելու համար»։