«Նիկոլ Փաշինյանի արածը նույնքան ապօրինի է, ինչքան Գարեգին Բ կաթողիկոսի արածը». Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը. «Վարչապետ Նիկոլ Փաշինյանը ճիշտ նույն կերպ միջամտում է Հայոց եկեղեցու ներքին գործերին, ինչպես Ամենայն Հայոց Հայրապետ Գարեգին Բ-ն է քաղաքական-իշխանական հայտ ներկայացրել՝ իր Սրբազանների ներկայությամբ:
Նիկոլ Փաշինյանի արածը նույնքան ապօրինի է, ինչքան Գարեգին Բ Ամենյան Հայոց կաթողիկոսի արածը:
Հայաստանում խաթարվել են Պետություն-Եկեղեցի տարանջատման բոլոր գրված ու չգրված կանոնները:
Երբ Բագրատ սրբազանն ու Աջապահյան սրբազանը իջան փողոց, ես մտածում էի, որ Նիկոլ Փաշինյանն էլ կարող է դառնալ Ամենայն Հայոց կաթողիկոս, իսկ նրա նախարարները՝ թեմակալ առաջնորդներ:
Այնպես որ, ամեն ինչ իր տեղն է ընկել:
Սա ցինիզմով ու ցավով եմ գրում:
Իրականում, մեր հոգևոր հայրերը կարող են վերադառնալ եկեղեցի, իսկ Հայաստանի գործող իշխանությունները՝ դուրս գալ եկեղեցու տարածքից:
Հետո կարող է ուշ լինել»: