«Եկեղեցաշեն մեծահարուստնե՛ր, ո՞ւր եք թռել, ինչո՞ւ ծպտուններդ չի լսվում». Գևորգ Պետրոսյան

ԱԺ նախկին պատգամավոր Գևորգ Պետրոսյանը ֆեյսբուքյան եթերում հայտնել է, որ իշխանության կողմից համապետական գրոհ է սկսվել Հայ առաքելական եկեղեցու նկատմամբ ու այն չի դադարում. «Եկեղեցին մնացել է վերջին սյունը, ինչի վրա հիմնված է մեր ազգը: Ուզում են դա էլ քանդել և ավարտել իրենց առաջ դրված խնդիրը: Խոսքս ուղղում եմ եկեղեցաշեն մեծահարուստներին. էդ որ եկեղեցի եք սարքում, գնում, ընտանիքներով մոմ եք վառում, աղոթում, խաչակնքվում. եկեղեցի սարքելով չի, է՜, եթե սարքում եք, ենթադրվում է, որ հավատարիմ եք հավատքին ու Հայ առաքելական եկեղեցուն: Բա որ հավատարիմ եք, էսօր ինչո՞ւ ծպտուններդ չի լսվում, ո՞ւր եք թռել»,- ասել է նա: