«Ովքեր մասնակցում են այս «գայլաշների խրախճանքին», հատ առ հատ անձնական պատասխանատվություն են կրելու»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Այն, ինչ այսօր իշխանությունների կազմակերպմամբ կատարվում է՝ մարդկանց, անհատներին թիրախավորելը՝ հանուն նեղ խմբային շահերի, որոնք հակառակ են հայկական շահերին, վաղը չէ մյուս օրը ոչ միայն բումերանգի նման վերադառնալու է ատելություն տարածողների տներ, այլև բոլորը, ովքեր մասնակցում են այս «գայլաշների խրախճանքին», հատ առ հատ անձնական պատասխանատվություն են կրելու, անկախ նրանից, թե ինչ արդարացումներ կունենան իրենց համար։
Նրանք, ովքեր ընկել են այդ մահաբեր օղակի մեջ, լավ կլինի մի պահ իրենք իրենց հարցնեն. «Իսկ ի՞նչ պատասխան եմ տալու, երբ գա անհատական պատասխանատվության ժամը»:
Հիշեք մի բան՝ ոչինչ հավերժ չէ, հատկապես անձի իշխանությունը։
Ինձ կարող եք հիմա ատել՝ բարոյական անկման ժամանակ չլռելու և անհարմար հարցեր բարձրացնելու համար, բայց իմ միակ շահը ՀԱՅ մարդն է, և միակ բաղձանքը՝ Հայաստանը»։