«Շաբաթը մեկ քաղաքապետարանից 2-3 հոգու ձերբակալում են»․ Մանուկ Սուքիասյան

«Պետք է օր առաջ գնանք արտահերթ ընտրությունների, վստահ եմ՝ քաղաքային այս իշխանությունը վերընտրվելու, անգամ կոալիցիաների շանս չունի»,- այս մասին «Եվրոմեդիա24»-ի հետ զրույցում նշեց «Մայր Հայաստան» խմբակցության ղեկավար Մանուկ Սուքիասյանը՝ թվարկելով նոր՝ մեկուկես տարի գործող ադմինիստրացիայի ձախողումները, այդ թվում՝ «կարմիր գծերի» թանկացում, որը համարվել է ոչ իրավաչափ, տրանսպորտի թանկացում, փոսեր քաղաքում, խցանումներ․․․

«Գումարած այդ ամենին՝ շաբաթը մեկ Հակակոռուպցիոնը գալիս է քաղաքապետարան, ու շաբաթը մեկ քաղաքապետարանից 2-3 հոգու ձերբակալում են։ Կոռուպցիայի մեջ թաթախված է քաղաքապետարանը, ինչի՞ հիման վրա պետք է վերընտրվեն»,- ընդգծեց Սուքիասյանը։