«ՀՀ նախագահի գործունեությունը կարո՞ղ եք ներկայացնել արդյունքային ցուցանիշներով»․ Արծվիկ Մինասյանը՝ Խաչատուր Պողոսյանին

«Սահմանադրության համաձայն՝ Հանրապետության նախագահը վերկուսակցական պետական ինստիտուտ է, որի կարևորագույն առաքելությունը համազգային խնդրով առաջ շարժվելն է։ Միջոցներ են ծախսվել՝ սկսած օտարերկրյա այցերից ավարտված երկրի ներսում նախագահի գործունեությամբ։ Անցյալ տարվա շրջանակներում նախագահի գործունեությունը այս ուղղությամբ կարո՞ղ եք բնութագրել ինչ-որ կոնկրետ արդյունքային ցուցանիշներով»,- ԱԺ-ում «ՀՀ 2024 թվականի պետական բյուջեի կատարման մասին» տարեկան հաշվետվության նախնական քննարկման ժամանակ «Հայաստան» խմբակցության պատգամավոր Արծվիկ Մինասյանը հարց ուղղեց նախագահի աշխատակազմի ղեկավարի տեղակալ խաչատուր Պողոսյանին։

Պողոսյնաը պատասխանեց․ «Արտասահմանյան այցերում ՀՀ նախագահը ամեն առիթ օգտագործել է՝ ներկայացնելու հանրապետությունում և հանրապետության շուրջ ստեղծված իրավիճակը։ Նույնը իրականացվում է նաև մեր երկրում նախագահի բոլոր ընդունելությունների ժամանակ։ ՀՀ նախագահը լիարժեք իրականացնում է իր սահմանադրաիրավական լիազորություններից բխող բոլոր գործառնությունները»։