«Հանցագործության մասին հաղորդում կներկայացնեմ Նարեկ Ղահրամանյանի դեմ»․ Էդգար Ղազարյան

Հասարակական, քաղաքական գործիչ Էդգար Ղազարյանը կրկին ԱԺ-ում էր՝ քաղաքացիների ընդունելության շրջանակներում հանդիպելու Տնտեսական հարցերի մշտական հանձնաժողովի անդամների հետ։ Քննարկման թեման վարչապետին անվստահություն հայտնելու (իմպիչմենթ) գործընթացն էր։ Սակայն քաղաքացիների ընդունելության և դիմումների բաժնի պետը հայտնեց, որ հանձնաժողովի անդամ Նարեկ Ղահրամանյանը նպատակահարմար չի գտնում ընդունել իրեն։

«Նարեկ Ղահրամանյանը կատարել է ենթադրյալ հանցագործություն։ Ես վաղը հանցագործության մասին հաղորդում կհանձնեմ Նարեկ Ղահրամանյանի դեմ։ Մենք դեռևս ակնկալում ենք, որ առաջիկայում կլինի նոր նախաձեռնություն՝ վարչապետին անվստահություն հայտնելու գործընթացի։ Եթե դա տեղի չունենա, մենք ամենայն վստահությամբ կարող ենք մեր ժողովրդին ասել, որ ԱԺ-ում ընդդիմադիր պատգամավոր գոյություն չունի։ Առայժմ զուսպ ենք, սպասում ենք»,- լրագրողների հետ զրույցում ասաց Էդգար Ղազարյանը։