«Ենթադրենք Գարեգին Բ-ն հրաժարական տվեց, ո՞ւմ ես բերելու»․ Հովիկ Աղազարյան

«Վարչապետն ինչ է ասում, որ Գարեգին Բ-ն խախտել է կուսակրոնության ուխտը և երեխա ունի։ Բոլորը դամ քաշելով ասում են՝ պետք է հեռանա։ Նախ, էտի որևէ մեկի գործը չի, եկեղեցին պետք է գնահատական տա, դա իրենց ներքին գործն է»,- Euromedia24-ի եթերում անդրադառնալով իշխանություն-եկեղեցի լարված հարաբերություններին, մասնավորապես Նիկոլ Փաշինյանի գրառումներին, ասել է ԱԺ պատգամավոր Հովիկ Աղազարյանը։ «Ենթադրենք Գարեգին Բ-ն հրաժարական տվեց, ո՞վ է լինելու։ Եթե էդ կեղծ բարեպաշտությամբ ես առաջնորդվում, ո՞ւմ ես բերելու։ Նիկոլ Փաշինյանը, Արսեն Թորոսյանը, Ալեն Սիմոնյանը, բոլոր գիտեն, որ որևէ մեկը գրեթե չի պահպանել կուսակրոնության սկզբունքը, բա ո՞ւմ եք բերելու։ Հետևաբար անհանգստություն է առաջանում, որ դու ուզում ես ոչ թե եկեղեցին առողջացնել, այլ՝ վերացնել»,- հավելել է Աղազարյանը՝ խոսքն ուղղելով վարչապետին։

Հիշեցնենք՝ Նիկոլ Փաշինյանը գրել էր․ «Գարեգին Բ-ն թող պարզաբանի՝ արդյո՞ք խախտել է կուսակրոնության ուխտը և արդյո՞ք զավակ ունի»։