«Չենք միանալու, մենք ունենք մեր թեկնածուն»․ Հակոբ Ասլանյան

Ինչպես հայտնել ենք, ՀՀ ԱԺ «Պատիվ ունեմ» խմբակցությունը որոշել է անվստահություն հայտնել ՀՀ վարչապետ Նիկոլ Փաշինյանին և վարչապետի թեկնածու առաջադրել Մասիս համայնքի ղեկավար Դավիթ Համբարձումյանին։
Հովիկ Աղազարայնը լրատվամիջոցների հետ զրույցում հայտարարել է, որ ինքն ու Հակոբ Ասլանյանը չեն միանալու իմպիչմենթին, քանի որ չեն ընդունում Դավիթ Համբարձումյանի թեկնածությունը:

ԱԺ պատգամավոր Հակոբ Ասլանյանը «Հրապարակի» հետ զրույցում ասել է. ««Այո, չենք միանալու, մենք մեր կուսակցության ստեղծման առաջին իսկ պահից հայտնել ենք, որ չենք համագործակցելու Ռոբերտ Քոչարյանի, Սերժ Սարգսյանի և նրանց առանցքում գտնվող անձանց, ինչպես նաև Նիկոլ Փաշինյանի և իր առանցքում գտնվող որևէ ուժի հետ: Դա մեր կրեդոն է: Զարմանալի է, թե ինչո՞ւ են զարմանում: Երբ հայտարարություն եղավ, Նարեկ Մալյանից և Էդգար Ղազարյանից նամակներ ստացանք, որ պետք է իմպիչմենտ սկսել, ոչ ոք չսկսեց այդ իմպիչմենտը, իսկ մենք սկսեցինք, ասացինք՝ դե եկեք ստորագրենք ու սկսենք իմպիչմենտը, վերջացավ գնաց: Եթե ուզում են Նիկոլ Փաշինյանին անվստահություն հայտնել, մենք դրա հնարավորությունը տվել էինք: Հիմա իրենց թեկնածուին են առաջադրում, դե թող առաջադրեն, ես մի անգամ նշել եմ, որ նույնսիկ Էդմոն Մարուքյանին, եթե իրենք առաջադրեին, մենք մերժելու էինք, դա մեզ համար հստակ է, ի տարբերություն շատերի, մենք այնքան հստակ ենք կանգնած հեղափոխական արժեքների կողքին, որ ասելու չէ: Մենք հնարավորություն ենք տվել իրենց, քանի որ հայտարարել էին, որ առանց ինչ-որ նախապայմանների ստորագրելու են, «Հայաստան» դաշինքն էլ հայտարարել էր, որ եթե «Պատիվ ունեմ»-ը բերի ութ ստորագրություն, իրենք իրենց ձայները կտան՝ հարցը մտցնելով լիագումար նիստ, մենք մեր համաձայնությունը տվեցինք, հիմա պարզվում է, հետ են կանգնում իրենց ասածներից, ասում էին նախապայման չունեն, սակայն պարզվում է՝ ունեն, իմ սենյակում դրված են Մարուքյանի փաստաթղթերը, թող իրենք գան ստորագրեն մեր փաստաթղթերի տակ»,- ասել է Ասլանյանը:
Մանրամասները՝ սկզբնաղբյուրում։