«Քանդելու համար ծնվածները կառուցել չեն կարող». Տարոն Սիմոնյան

Իրավաբան, ԱԺ նախկին պատգամավոր Տարոն Սիմոնյանի ֆեյսբուքյան գրառումը. «Քանդելու համար ծնվածները կառուցել չեն կարող․․․
Դրա համար էլ նրանք ցանկացած հնարավորություն օգտագործելու են եղածը մասնատելու, կազմաքանդելու համար։
Ավարտելով մի ինստիտուտի, համակարգի, կառուցվածքի մասնատումը՝ նրանք անցնելու են մյուսին։
Դրանում կանգառ չկա, որովհետև դա նրանց բնույթն է, էությունը, նրանց գիտակցությունն ու անգիտակցությունը։
Ֆիզիկայում նրանց անունը էնտրոպիա է, մեր օրերում՝ գլխավորին ու հարակիցներին անուններով գիտենք։
Ու զարմանալին այն չէ, որ որոշները դեռ զարմանում են բարոյականության գահավիժման արդի ընթացքից, զարմանալին այն է, որ այսքանից հետո նախկին ու ներկա բարեկամ խավարների նկատմամբ իռացիոնալ սերը դեռ գերակայում է բազմաց մոտ...»: