«Արցախը ներկայացնելը ո՛չ թե իշխանություն է, այլև պատասխանատվություն և հալածանք»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Հիմա, երբ Արցախը ներկայացնելը ո՛չ թե իշխանություն է, այլև պատասխանատվություն և հալածանք, կարծում եմ, որ Արցախի ներկայացուցիչը՝ Արցախի Հանրապետության Նախագահը, պետք է համապատասխանի մի քանի կրիտերիաների՝ միջազգային կապեր և ծանոթություններ, կամք և համառություն, ռազմավարական մտածողություն, անանձնական խնդիրներ լուծելու կամք և կարողություն, միջազգային հարաբերությունները հասկանալու և ըստ այդ գործելու կարողություն, համախմբելու և կոլեգիալ՝ թիմային աշխատանք կատարելու կարողություն։
Բնականաբար, սրա դեմ գործելու են տարատեսակ ուժեր, կենտրոններ, բայց պետք է ջանք գործադրել, որովհետև հակառակը մոռացումն ու ուրացումն է։
Հ․Գ․ Վերահաստատում եմ նախկինում ասած խոսքերս․
-Գալու է մի պահ, երբ աշխարհի կենտրոնների միջև սկսվելու է մրցակցություն, թե որտեղ պետք է լինի Արցախի վտարանդի կառավարությունը, ով պետք է մոդեռացնի Արցախի խնդրի լուծման գործընթացը»։