«Հայտարարությունը, որ ԵՄ դիտորդները ՀՀ-ում զբաղվում են հետախուզական գործունեությամբ, պետք է հերքվի կամ պարզաբանվի»․ Արթուր Վանեցյան

«Մենք պետք է գնահատենք՝ ԵՄ դիտորդների ՀՀ-ում գտնվելը օգուտ է տալիս ՀՀ-ին, թե ոչ, եթե օգուտ է տալիս, միանշանակ պետք է շարունակեն մնալ, եթե օգուտ չեն տալիս, պետք է գնան»,- այս մասին Հանրային հեռուստաընկրության եթերում նշեց ԱԱԾ նախկին տնօրեն, «Հայրենիք» կուսկցության նախագահ Արթուր Վանեցյանը։

«Ես լսել եմ մի հայտարարություն, որ ԵՄ դիտորդները ՀՀ-ում զբաղվում են հետախուզական գործունեությամբ․ լսել եմ Զախարովայի հայտարարությունը, և հերքում դեռևս չեմ լսել։ Դա պետք է հերքվի կամ պարզաբանվի»,- ընդգծեց Վանեցյանը։

Նրա դիտարկմամբ՝ ԵՄ դիտորդները որևէ օգուտ չեն տվել․ «Երբ որ լինում է էսլկալացիա, լինում են կրակոցներ, ԵՄ դիտորդները ոչ մի գործողություն չեն իրականացնում․ ԵՄ դիտորդները պետք է կա՛մ աշխատեն արդյունավետ, կա՛մ գնան»։