«Կրթվելը նորաձև է» արշավին բյուջեից տրվող գումարների վերաբերյալ տեղեկությունը համարվում է պետական գաղտնիք

«Ֆակտոր»-ը դիմել էր վարչապետի աշխատակազմ և «Կրթվելը նորաձև է» արշավի ծախսերի վերաբերյալ տեղեկություններ խնդրել:

Վարչապետի աշխատակազմից հայտնել են, որ միջոցառման համար ծախսերն իրականացվում են «Հատուկ պետական պաշտպանության ենթակա անձանց անվտանգության ապահովման մասին» օրենքի շրջանակում:

«Ըստ այդմ, հիշյալ միջոցառումների կազմակերպման ծառայությունները ներառվել են պետական գաղտնիք պարունակող գնումների պլանում, ուստի հայցվող տեղեկատվությունը հրապարակման ենթակա չէ»,- ասված է գրավոր պատասխանում: