Ռոբերտ Քոչարյանի և մյուսների գործով դատական նիստը՝ ուղիղ միացմամբ

Հակակոռուպցիոն դատարանում՝ դատավոր Սարգիս Պետրոսյանի նախագահությամբ, շարունակվում է ՀՀ երկրորդ նախագահ Ռոբերտ Քոչարյանի, ՀԱՊԿ նախկին գլխավոր քարտուղար Յուրի Խաչատուրովի, Պաշտպանության նախկին նախարար Սեյրան Օհանյանի և նախկին փոխվարչապետ Արմեն Գևորգյանի՝ «Մարտի 1»-ի վերաբացված գործով դատական նիստը:
Նախորդ նիստին Սեյրան Օհանյանն, առողջական խնդիրներով պայմանավորված, նիստին ներկա չէր, ինչի պատճառով այն հետաձգվեց։

Հիշեցնենք՝ գործով անցնող բոլոր անձանց ներկայացվել է մեղադրանք, ըստ որի պաշտոնեական լիազորությունների չարաշահումն անզգուշությամբ առաջացրել է ծանր հետևանքներ:

Քիչ առաջ դատական նիստի ժամանակ դատավորը տեղեկացրեց, որ Արմեն Գևորգյանից գրություն է ստացվել՝ քննարկվող և այլ հարցերի հետ կապված դատական դռնփակ նիստ գումարելու: Դատավորը խնդրեց լրագրողներին, դահլիճում գտնվող մյուս անձանց դուրս գալ դահլիճից: