«ՀՅԴ-ի շարքերը համալրել են Զախարովան, Զատուլինը, Սոլովյովը». Տիգրան Պարսիլյան

«Երեկվա ակցիայից պարզ դարձավ ՀՅԴ շարքերը լրացրած նոր անձանց անունները: Եվ այսպես, շարքերը համալրել են Մարիա Զախարովան, Մարգարիտա Սիմոնյանը, Կոնստանտին Զատուլինը, Արա Աբրահամյանը և մամլո խոսնակ Սոլովյովը»,- ԱԺ իր ելույթում ասաց ՔՊ-ական պատգամավոր Տիգրան Պարսիլյանը՝ անդրադառնալով գործարար Սամվել Կարապետյանի շուրջ ստեղծված իրավիճակին ու արձագանքներին: «Ինչ էր երեկ տեղի ունենում. ՌԴ քաղաքացի Սամվել Կարապետյանի տանը խուզարկություն էր, ու մեր ժուժկալ ու աղքատասեր ժողովուրդն իրենց թանկարժեք մեքենաներով, ընդդիմադիրների հետ միասին, շտապում էին Հայ եկեղեցու մեծագույն պաշտպանի պալատների շեմին կանգնելու: Կարծում եմ՝ հանրության ավելի լայն շրջանակներին տեսանելի դարձավ, որ ՀՀ-ում ՀՅԴ-ի ջանքերով տեղի է ունենում հիբրիդային պատերազմ՝ ՀՀ ինքնիշխանության դեմ, որի առաջամարտիկն է Կտրիճ Ներսիսյանն իր խմբակի հետ միասին»,- ասաց նա: