«Ի՞նչ մեխանիզմով է պատկերացնում իր կողմից հրամայական հռչակված իշխանափոխությունը»․ Էդգար Ղազարյան

Հասարակական, քաղաքական գործիչ Էդգար Ղազարյանի ֆեյսբուքյան գրառումը․ «ՀՀ երկրորդ նախագահ Ռոբերտ Քոչարյանը 2025 թվականի հունիսի 19-ին հանդես է եկել Սամվել Կարապետյանի հետ տեղի ունեցածի վերաբերյալ հայտարարությամբ։ Երկրորդ նախագահը նշում է, որ «Այս խայտառակ իրավիճակից միակ ելքը իշխանափոխությունն է, այլապես՝ արագ գլորվում ենք դեպի տոտալ բռնապետություն՝ մեր պետականության համար անկանխատեսելի հետևանքներով»։ Այն դեպքում, երբ երկրորդ նախագահի կողմից առաջնորդած ուժի և ներկայում փաստացի իր ազդեցության դաշտում գտնվող Ազգային ժողովի «Հայաստան» խմբակցության կազմում ընդգրկված պատգամավորներից ոչ ոք չի նախաձեռնում վարչապետին անվստահություն հայտնելու գործընթաց և չի միանում գոյություն ունեցող նախաձեռնություններին, որին իր հարցազրույցով բացասական վերաբերմունք է տվել ինքը՝ Ռոբերտ Քոչարյանը, հետաքրքիր է, թե, լինելով իրատես և լուրջ քաղաքական գործիչ, նա ուրիշ ի՞նչ մեխանիզմով է պատկերացնում իր կողմից հրամայական հռչակված իշխանափոխությունը»։