Սամվել Կարապետյանի կալանքի դեմ բողոք է ներկայացվել վերաքննիչ դատարան

Գործարար, բարերար Սամվել Կարապետյանի կալանավորման որոշման դեմ վերաքննիչ բողոք է ներկայացվել։ Տեղեկությունը «Փաստինֆո»-ի հետ զրույցում հաստատել է փաստաբան Ռուբեն Հակոբյանը։

Հիշեցնենք՝ Երևանի ընդհանուր իրավասության քրեական դատարանը՝ դատավոր Արտակ Կարապետյանի նախագահությամբ, բավարարել է Սամվել Կարապետյանին կալանավորելու մասին քննիչի միջնորդությունը։ Սամվել Կարապետյանին մեղադրանք է ներկայացվել՝ իբրև իշխանության զավթման կոչի վերաբերյալ, թեև Կարապետյանը հայտարարությամբ պարզապես պաշտպանում էր Հայ Առաքելական եկեղեցին՝ թիրախավորումից։ Մեղադրանքը ներկայացվել է՝ ընդամենը մի քանի վայրկյան տևողությամբ տեսանյութի հիման վրա, մինչդեռ, պաշտպանության կողմը պնդում է, որ այն որևէ հանցակազմ ընդհանրապես չի պարունակում, մեղադրանքն ապօրինի է։
Մանրամասները՝ սկզբնաղբյուրում։