«Իրանի հրթիռային հարձակման կադրերում տեղանքի պատկերը հատուկ լղոզվում է»․ Վարդան Ոսկանյան

Իրանագետ Վարդան Ոսկանյանը թելեգրամյան էջում տեսանյութ է հրապարակել՝ կից գրառմամբ․ «Վերջին օրերին Իրանի կողմից դեպի Իսրայել արձակվող հրթիռների մեկնարկային կադրեր պարունակող իրանական տեսանյութերում տեղանքի կադրերը հատուկ լղոզվում են։

Այդ հանգամանքը զգալիորեն դժվարացանում է հրթիռների արձակման վայրի տեղորոշման խնդիրը։

Մյուս կողմից՝ ցանցում տեղեկություններ են տարածվել, որ իրանական կողմը կիբերհարձակման միջոցով հասանելիություն է ստացել Իսրայելի քաղաքացիների կողմից օգտագործվող անվտանգության տեսախցիկներին, ինչը հեշտացրել է հարվածների նկատմամբ օբյեկտիվ տեսավերահսկողությունը հենց Իսրայելի ներսում։

Կադրերում իրանական հրթիռային վերջին հարձակման կադրերից են, որոնցում տեղանքի պատկերը լղոզված է»։