«Ներկայացված մեղադրանքն անձնական, հիվանդագին վրեժի դրսևորում է»․ Րաֆֆի Ասլանյան

Փաստաբան Րաֆֆի Ասլանյանը ֆեյսբուքյան էջում գրել է․ «Նվազագույն տրամաբանություն ունեցող յուրաքանչյուր ոք, անկախ մասնագիտությունից, հասկանում է, որ բարերար Սամվել Կարապետյանին ներկայացված մեղադրանքն ընդամենը անձնական հիվանդագին վրեժի դրսևորում է, այն չունի որևէ իրավական հիմք ու հետագա հեռանկար, դա ևս կանցնի կգնա իհարկե։ Բայց ինձ զարմացնում է այս ապօրինի քրեական վարույթի մասնակից պաշտոնատար անձանց անհեռատես վարքագիծը, արդյո՞ք չեն հասկանում, որ Նիկոլից հետո կյանք կա, Նիկոլի իշխանությունը հավերժ չէ, դեռ մարդկանց երեսին պետք է նայեն, իրավական ու բարոյական պատասխանատվություն կրեն, կամ ինչպե՞ս են իրենց մասնագիտական արժանապատվությունը դնում հոգեպես անառողջ մեկի ոտքերի տակ։ Ի՞նչ կապ ունի այս ամենի հետ իրավաբանությունը, ինչու՞ եք այլանդակում առանց այդ էլ նիկոլական Հայաստանում անվանարկված այդ մասնագիտությունը։ Մարդ արդեն ամաչում է, որ ձեր հետ նույն մասնագիտությունն ունի»։