«Փաշինյանը ճողոպրելու է ոչ թե ժողովրդի կամ ուրիշ երկրների, այլ իր շրջապատի ճնշումներից»․ Հայկ Նահապետյան

«Սամվել Կարապետյանը, անկախ իր կամքից, մարդկանց ընկալումներում դարձել է ընդդիմության խորհրդանիշ, որը ո՛չ նախկինների հետ է փոխկապակցված, ո՛չ ներկաների։ Քաղաքական դաշտ չմտնելով՝ նա աստիճանաբար, բայց հաստատուն վարկանիշ է ստանում»,- այս մասին «Հայելի» ակումբում հրավիրված հանդիպման ընթացքում նշեց ռազմական փորձագետ Հայկ Նահապետյանը։

Նրա դիտարկմամբ՝ Սամվել Կարապետյանն այս իշխանությունների հետ գործարքի չի գնա․ «Ի՞նչ գործարքի կարող է գնալ, Նիկոլ Փաշինյանն՝ ով Սամվել Կարապետյանն՝ ով․․․ Կարծում եմ Սամվել Կարապետյանի նկատմամբ իրականացրած գործողությունները կարող են Նիկոլ Փաշինյանի «կարապի երգը» դառնալ․․․ Նիկոլը ճողոպրելու է ո՛չ ժողովրդի արդարացի ընդվզումից և ո՛չ էլ այլ երկրների կողմից որոշակի ճնշումներից, այլ ճողոպրելու է իր շրջապատի ճնշումներից»։