Արծվիկ Մինասյանը դիմել է ԱԺ խորհրդին` իրեն անձեռնմխելիությունից զրկելու հարցը շտապ կարգով քննարկելու. «Ժողովուրդ»

«Ժողովուրդ» օրաթերթը գրում է. «ԱԺ «Հայաստան» խմբակցության քարտուղար Արծվիկ Մինասյանը, մեր տեղեկություններով, բանավոր դիմել է ԱԺ խորհրդի անդամներին՝ հորդորելով իր՝ անձեռնմխելիությունից զրկելու հարցը շտապ կարգով քննարկել:
ՀՀ գլխավոր դատախազ Աննա Վարդապետյանը միջնորդագիր էր ներկայացրել ԱԺ նախագահ Ալեն Սիմոնյանին՝ թույլ տալու հանրային քրեական հետապնդում հարուցել ԱԺ «Հայաստան» խմբակցության ղեկավար Սեյրան Օհանյանի և խմբակցության քարտուղար Արծվիկ Մինասյանի նկատմամբ։
Անձեռնմխելությունից զրկելու և քրեական վարույթ նախաձեռնելու համար, հարցը պետք է քննարկվեր խորհրդարանում, սակայն ԱԺ հերթական նստաշրջանը ավարտվեց, և վերը նշված հարցը կքննարկվի արդեն արտահերթ նիստում:
Ու, ըստ մեր տեղեկությունների, Արծվիկ Մինասյանը, դիմելով Խորհրդին, նշել է, որ այս հարցը պետք է անհապաղ քննարկվի, որովհետև սա շոու է, և հանրությանը պետք է ներկայացվի շատ շտապ։ Մինասյանի հորդորին դեռևս չեն արձագանքել, թե երբ կքննարկեն հարցը, դեռևս պարզ չէ: ՔՊ-ական մեր աղբյուրները փոխանցում են, որ դա կանեն հուլիսի սկզբին»:

Մանրամասները՝ թերթի համարում: