«Եթե ՀԷՑ-ի շուրջ միջազգային իրավական վեճեր ծագեն, ՀՀ-ն կկանգնի լուրջ սպառնալիքների առաջ»․ Շիրազ Խաչատրյան

«Հենակետ» ՀԿ-ի փորձագետ Շիրազ Խաչատրյանի ֆեյսբուքյան գրառումը. «Նիկոլ Փաշինյանի կողմից ՀԷՑ-ի պետականացման թեման այլևս չի կարող դիտարկվել որպես զուտ «տնտեսական» կամ «կառավարման» որոշում։ Այս գործընթացը բացահայտ կերպով վերածվել է քաղաքական հաշվեհարդարի՝ ուղղված Սամվել Կարապետյանի դեմ ու խոսում է Հայաստանում ներդրումային միջավայրի իրական վիճակի մասին։
Եթե ՀԷՑ-ի շուրջ ստեղծված ճգնաժամը խորանա կամ վերածվի միջազգային իրավական վեճերի, Հայաստանը կկանգնի մի շարք լուրջ սպառնալիքների առաջ՝ ներդրումային վարկանիշի անկում, բիզնեսի գնահատումների նվազում և համաշխարհային ֆինանսական կազմակերպությունների կողմից բացասական ուշադրության կտրուկ ավելացում։
Այս ամենը առավել վտանգավոր է Հայաստանի պես խոցելի տնտեսության համար, որն ունի սահմանափակ շուկա և փոքրածավալ հնարավորություններ:
Գիտակցու՞մ է արդյոք գործող կառավարիչն այս ամենի հետևանքները։ Կարծում եմ՝ այո։ Բայց նա ուղղակի չի կարողանում դիմադրել սեփական իշխանական ամբիցիաներին՝ երկիրը մղելով նոր արկածախնդրությունների...»: