«ՀԷՑ-ին վերաբերող ցանկացած գործողություն կիրականացվի օրենքով սահմանված կարգով»․ Մհեր Գրիգորյան

«Ցանկացած գործողություն, որը կվերաբերի ՀԷՑ-ին, կիրականացվի օրենքով սահմանված կարգով»,- այս մասին «Ֆակտոր»-ի հետ զրույցում նշեց ՀՀ փոխվարչապաետ Մհեր Գրիգորյան՝ անդրադառնալով Նիկոլ Փաշինյանի այն հայտարարությանը, թե ՀԷՑ-ի պետականացման պլանը պատրաստ է։

«Էներգետիկայի մասին» օրենքով սահմանված են և՛ դեպքերը, և՛ գործողությունները, որոնք կարող է իրականացնել կառավարությունը։ Վստահեցնում եմ՝ հնարավոր գործողությունները օրենքով նկարագրված են»,- հավելեց Գրիգորյանը։

Անդրադառնալով հարցին, թե արդյո՞ք գրավադրված լինելու հանգամանքը խնդիր չի առաջացնի ՀԷՑ-ի ազգայնացման համար, փոխվարչապետը պատասխանեց․ «Կարծում եմ, որ օրենսդրությամբ որոշակի նկարագրություն կա նաև այդ մասին, թե նման դեպքերում ինչ է հնարավոր անել»։