«Կարելի էր խնդիրը շատ վաղուց լուծել, որ էս օրին չհասնեինք»․ Ալեն Ղևոնդյան

Քաղաքական գիտությունների թեկնածու, դոցենտ Ալեն Ղևոնդյանի ֆեյսբուքյան գրառումը․ «Կարելի էր խնդիրը շատ վաղուց լուծել, որ էս օրին չհասնեինք. էս տարիների ընթացքում հոգնեցինք ասելով, ու մեծ հաշվով լսող չեղավ: Հիմա լինելու է էականորեն բարդ:
Երբ ասում եմ այս մարդը ցմահ է ուզում մնալ, քանի որ իշխանություն լինելը նրա կյանքի ու անվտանգության՝ թերևս միակ երաշխիքն է, դա միայն կույրը չի կարող տեսնել:
Ցավոք, անգամ հիմա տեսանելի չէ իրավիճակի սթափ գնահատման ու կիրառական, արդյունք բերող գործողությունների միտումներ: Ցանկություններ, հատվածային քայլեր, բարի մղումներ իհարկե կան, սակայն՝ ոչ ավելին:
Մյուս կողմից՝ քայլեր ո՞ւմ կողմից, դա էլ է հարցադրում, որ միանշանակ պատասխան չունի: Ներքին գզվռտոցը շատ ավելի սուր է, քան իրավիճակ փրկելու ու առհասարակ փրկվելու կամքը:
Ավելի մեծ խնդիր է այն, որ անգամ հիմա քաղաքական գործընթացները կարող են գնալ ֆեյք ճանապարհներով, որի հիմնական օրակարգը իշխանության և ոչ թե պետության հարցն է:
Ամեն դեպքում հնարավորություններ դեռ կան: Մնաց դրանք օգտագործելու միտք լինի, սնոբիզմը, մուտիլովկեքը ամեն բան չոչնչացնեն»։