«Իրավապահ մարմինները քաղաքական հրահանգի արդյունքում գտնում են, որ հանցանք կա»․ Երեմ Սարգսյան

«Հարցազրույցն են զննել, հարցազրույցի հիման վրա իրենք գտնում են, որ իշխանությունը զավթելու, բռնության կոչ է արվել։ Այնինչ, կա փաստաթուղթ, որ երբ որ Դանիել Իոաննիսյանը հարցում է կատարել մեկ այլ հարցազրույցի վերաբերյալ, իրենք քրեական վարույթ չնախաձեռնելու որոշում են կայացրել՝ գտնելով, որ այդ նույնաբովանդակ մտքերը հանցագործություն չեն հանդիսանում»,- այս մասին լրագրողների հետ զրույցում նշեց Միքայել արքեպիսկոպոս Աջապահյանի պաշտպան Երեմ Սարգսյանը։

«Այսինքն՝ իրավապահ մարմինները գտնում են, որ դա հանցանք չէ, հիմա չգիտեմ հանձնարարության արդյունքում, քաղաքական հրահանգի արդյունքում գտնում են, որ հանցագործություն է։ Ինչ վերաբերում է նյութերին, դրանցում բացարձակապես ոչինչ չկա»։