«Եթե Բագրատ Սրբազանն ահաբեկչություն իրականացնող լիներ, 2024 թվականի մայիսի 9-ին ինչո՞ւ գործողություների չդիմեց». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Եթե Բագրատ Սրբազանն ահաբեկչություն ծրագրող ու իրականացնող լիներ, 2024 թվականի մայիսի 9-ին Հանրապետության հրապարակում ու հարակից փողոցներում մոտ 100 հազար մարդ էր հավաքել, ինչո՞ւ վճռական գործողություների չդիմեց։ Հանրային կոչված խիստ իշխանամետ հեռուստաընկերությունը առատորեն սնվում է հարկատուներիս մուծած հարկերից գոյացած պետբյուջեից, սակայն ծառայում է իշխանական թրքամետ կլանին, այն հանրությանը ահաբեկչության երևակայական ծրագիրը ներկայացնում է որպես փաստ, թքած ունենալով անմեղության կանխավարկածի և նախաքննական գաղտնիքի վրա։ 44 օր շարունակ հանրությանը «Հաղթելու ենք» կարգախոսով խաբած, ռազմաճակատում իրադրությունը հանրությունից թաքցրած, «Արցախը Հայաստան է և վերջ» գոռացած, 2021թ-ին Շուշիի ու Հադրութի դեօկուպացիա խոստացած Նիկոլ Փաշինյանը ե՞րբ է ճշմարտությունն ասել, որ հիմա Հայ առաքելական եկեղեցու բարձրաստճան հոգևորականների կողմից ահաբեկչության մասին նրա խոսքերը ճիշտ լինեն»: