Կիևը Կանադայից ստացել է 1,7 միլիարդ դոլար ռուսական ակտիվների հաշվին

Ուկրաինան Կանադայից ստացել է 1,7 միլիարդ դոլար, որը ապահովված է սառեցված ռուսական ակտիվներից ստացված եկամուտներով, երկուշաբթի օրը հայտարարել է Ուկրաինայի վարչապետ Դենիս Շմիհալը։
«Ուկրաինան Կանադայից ստացել է մոտ 1,7 միլիարդ դոլար (2,3 միլիարդ կանադական դոլար)՝ որպես ERA նախաձեռնության մաս։ Սրանք միջոցներ են, որոնք ապահովված են սառեցված ռուսական ակտիվներից ստացված եկամուտներից»,- գրել է Շմիհալն իր Telegram ալիքում։
Նրա խոսքով՝ տարեսկզբից ի վեր, հաշվի առնելով վերջին փոխանցումը, Ուկրաինան ստացել է մոտ 17,6 միլիարդ դոլար՝ սառեցված ռուսական ակտիվների հաշվին։
Ինչպես ավելի վաղ ասել էր Շմիհալը, ընդհանուր առմամբ, G7 ERA նախաձեռնությունը նախատեսում է Ուկրաինային ուղարկել 50 միլիարդ դոլար, որից 20 միլիարդ դոլարը կտրամադրի ԵՄ-ն։
Ուկրաինայում ռուսական հատուկ գործողության սկսվելուց հետո ԵՄ-ն և G7 երկրները սառեցրել են Ռուսաստանի արժութային պահուստների գրեթե կեսը՝ մոտավորապես 300 միլիարդ եվրո։ Ավելի քան 200 միլիարդ եվրո գտնվում է ԵՄ-ում, հիմնականում՝ բելգիական Euroclear-ի հաշիվներում, որը աշխարհի ամենամեծ քլիրինգային և հաշվարկային համակարգերից մեկն է։