«Ռուսաստանը երեք անգամ փրկել է Նիկոլի հետույքը, Միրզոյանն ինչո՞ւ «вдруг» վրդովվեց Լավրովի հայտարարությունից»․ Նաիրա Զոհրաբյան

«Հասել ենք այն իրավիճակին, որ մեր եկեղեցին պաշտպանում են օտարերկրյա դիվանագետներն ու միջազգային կազմակերպությունները, ի՞նչ եղան ՀՀ քաղաքական և հանրային ինատիտուտները:

Քաղաքացիական հասարակությունը մեռավ, երբ որ 2018 թվականին, իր աջակցությամբ, իշխանության եկավ այս ազգակործան պատուհասը»,- այս մասին «Եվրոմեդիա24»-ի եթերում նշեց ԱԺ նախկին պատգամավոր Նաիրա Զոհրաբյանը։

«Ինչ վերաբերում է Լավրովի հայտարարությանը և Արարատ Միրզոյանի վրդովմունքին, թե Լավրովը թող քիթը չխոթի ՀՀ գործերի մեջ, ապա նշեմ, որ երեք անգամ Ռուսաստանը փրկել է Նիկոլի հետույքը,- ընդգծեց Զոհրաբյանը,- առաջին անգամ, երբ որ պատերազմից հետո Պուտինը հայտարարեց, որ Նիկոլը դավաճան չէ, երկրորդ անգամ, երբ, ըստ էության, արգելվեց Օնիկ Գասպարյանին՝ որևէ քայլ անել ԳՇ-ի հայտարարությունից հետո, և երրորդ անգամ՝ 2021 թվականի ընտրությունների ժամանակ։ Էդ ո՞նց եղավ, որ այդ ժամանակ Արարատ Միրզոյանը չէր հայտարարում, որ դա Հայաստանի ներքին գործերին խառնվել է, այսօր հանկարծ, «вдруг» Լավրովի հայտարարությունը, որ ընդամենը մտահոգություն է հայտնում, որ չի կարելի գրոհել Հայ Առաքելական Եկեղեցու վրա և պետք է հարգել հավատացյալների զգացմունքները, դարձավ Հայաստանի ներքին գործերին միջամտությո՞ւն»։