«Կիրանցում Նիկոլ Փաշինյանին երկու ձեռքով բարևողին նոր պաշտոն են տվել». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Կիրանցում Նիկոլ Փաշինյանին երկու ձեռքով բարևողին նոր պաշտոն են տվել։
Տավուշի մարզպետ Հայկ Ղալումյանը հունիսի 27-ին հաշվի առնելով Վոլոդյա Բաբինյանի դիմումը՝ նրան ազատել է Կիրանցի հիմնական դպրոցի տնօրենի պաշտոնից և լուծարել նրա հետ 2020թ․ հուլիսի 6-ին կնքված աշխատանքային պայմանագիրը։ Մարզպետը հունիսի 30-ին Վ․ Բաբինյանին նշանակել է Կիրանցի դպրոցի վարչատնտեսական մասի համակարգող։ Մարզպետը հունիսի 30-ի մեկ այլ որոշմամբ Կիրանցի հիմնական դպրոցի փոխտնօրեն Սուսաննա Փաշինյանին նշանակել է Կիրանցի հիմնական դպրոցի տնօրենի պարտականությունները կատարող՝ մինչև այդ պաշտոնում ՀՀ օրենսդրությամբ սահմանված կարգով մրցույթի արդյունքներով տնօրենի ընտրությունը (նշանակումը)։ Ի՞նչ է ստացվում, հուլիսի 6-ին պետք է լրանար Վ․ Բաբինյանի աշխատանքային պայմանագրի ժամկետը, Վ․ Բաբինյանի 62 տարին լրանում է այս ամիս՝ հուլիսին։ Վ․ Բաբինյանը 2024 թվականի սեպտեմբերի 2-ին Կիրանցի նորակառույց դպրոցում մեծ ուրախությամբ, երկու ձեռքով էր բարևել սահմանազատման անվան տակ Կիրանցի 15 հեկտար հողերը Ադրբեջանին հանձնած Նիկոլ Փաշինյանին: Կիրանցի բնակիչների խոսքերով՝ Վ․ Բաբինյանը Ադրբեջանին հանձնված իր հողամասի դիմաց պետական բյուջեից դրամական փոխհատուցում է ստացել։ Մարզպետ Հ․ Ղալումյանը Վոլոդյա Բաբինյանին նոր պաշտոն է տվել, նրան նշանակել 2024-2025թ ուսումնական տարում ընդամենը 34 աշակերտ, Երևանի մեծ դպրոցի մի դասարանի չափ աշակերտ ունեցող դպրոցի վարչատնտեսական մասի համակարգող։ Կիրանցի բնակիչների խոսքով՝ Կիրանցի դպրոցի տնօրենի պարտականությունները կատարող Սուսաննա Փաշինյանը նախկինում ֆիզիկա է պարապել, գործող իշխանության երկրպագու է»։