«Իր զիգզագ հայտարարություններով ամբողջ աշխարհի հայերին զոմբիացրել է»․ Վահե Կարապետյան

Ամերիկահայ գործարար, բարերար Վահե Կարապետյանը սոցցանցում տեսանյութ է հրապարակել, որի ընթացքում քննադատում է Նիկոլ Փաշինյանին՝ հայ ժողովրդին խաբելու, Արցախը հանձնելու, Եկեղեցու դեմ արշավի, Սամվել Կարապետյանին կալանավորելու առնչությամբ։

«Այս մարդը մեր գլխին պատուհաս դարձավ․․․ Իր զիգզագ հայտարարություններով ամբողջ աշխարհի հայերին զոմբիացրել է, նա ոչ թե վարչապետ է, այլ խաբեբա. նա անհամեստ է, անպատիվ ու աներես, երեսին թքես, կասի՝ անձրև է գալիս»,- տեսանյութում ասում է Կարապետյանը։

Նա նաև անդրադառնում է Նիկոլ Փաշինյանի՝ Թուրքիա կատարած այցին և այդ այցի շրջանակներում Ստամբուլի հայ համայնքի հետ ունեցած հանդիպման ժամանակ նրա հնչեցրած հայտարարություններին. «Ասաց՝ ես ինչպե՞ս կարող եմ պատասխանու լինել աշխարհի բոլոր հայերի համար․․․ Մոլորեցնելու մեծ հատկություն ունի այդ մարդը։ Պարո՛ն «խելացի», հիմար, դավաճան վարչապետ, քեզ չենք ասում՝ գնա, ներկայացրու աշխարհի հայերին, ասում ենք՝ պատասխանատում ես։ Տեղյա՞կ ես՝ ինչով ես պատասխանատու. դու ամբողջ աշխարհի հայերի առաջ պատասխանատու ես, որ մեր հայրենիքը չփչացնես։ Դա քո հայրենիքը չէ, բոլորիս հայրենիքն է»։